Maduronun ələ keçirilməsinə mərc edən treyder 400 yüz min dollar qazanıb

ABŞ-ın Venesuela prezidenti Nikolas Maduronun ələ keçirilməsi ilə bağlı mərc edən bir şəxs çox böyük qazanc əldə edib. Bu hadisə proqnoz bazarlarında insayder məlumatlarından istifadə edilib-edilmədiyi barədə suallar yaradıb.

Kripto əsaslı Polymarket platformasında yeni yaradılmış bir hesab Maduronun tutulacağına dair mərc edib. Həmin vaxt bazar bu ehtimalı çox aşağı qiymətləndirirdi. Treyder bu mərcə təxminən 30–32 min dollar xərcləyib.

ABŞ əməliyyatı açıqlanandan sonra bazar “bəli” nəticəsi ilə bağlanıb. Nəticədə treyderin qazancı təxminən 400–440 min dollara yüksəlib. Bu, 1.200 faizdən çox gəlir deməkdir.

Diqqət çəkən məqam odur ki, həmin hesab hadisədən cəmi bir neçə gün əvvəl yaradılıb. Hesab əsasən Venesuela və Maduro ilə bağlı mərclərə fokuslanıb. Xəbər yayılmamışdan az əvvəl böyük həcmdə alışlar edilib.

Bu zamanlama bir çoxlarında şübhə yaradıb. Bəzi müşahidəçilər treyderin gizli məlumatlara çıxışı ola biləcəyini düşünür. Lakin Polymarket belə hallara nəzarət etmir və insayder ticarəti qaydaları tətbiq etmir.

Hadisə ABŞ-da siyasətçilərin də diqqətini çəkib. Konqres üzvü Riçi Torres bu cür bazarların məhdudlaşdırılması üçün qanun layihəsi hazırlayır. O hesab edir ki, milli təhlükəsizliklə bağlı məlumatlardan qazanc əldə edilməsi təhlükəlidir.

Polymarket ABŞ-dan kənarda fəaliyyət göstərir və kriptovalyuta ilə işləyir. Platforma məlumatın mənbəyini yoxlamadığını açıq şəkildə bildirir. ABŞ-da fəaliyyət göstərən Kalshi kimi platformalarda isə insayder məlumatı ilə ticarət qadağandır.