SpaceX Cursoru almağa hazırlaşır

SpaceX Sİ əsaslı kodlaşdırma aləti Cursor-un tərtibatçısı olan Anysphere şirkətini 60 milyard dollar qiymətləndirmə ilə almaq barədə razılaşma açıqlayıb. Satınalma razılaşması ABŞ Qiymətli Kağızlar və Birja Komissiyasına (SEC) təqdim edilib. Sənəddə SpaceX-in X67 törəmə şirkətinin Anysphere ilə birləşəcəyi qeyd olunub. Proses tamamlandıqdan sonra Cursor SpaceX-in tam mülkiyyətində olan törəmə şirkəti kimi fəaliyyət göstərəcək.

Təqdim edilən sənəddə bildirilir ki, Anysphere-in dövriyyədə olan adi və imtiyazlı səhmləri avtomatik olaraq SpaceX-in A sinfi adi səhmlərinə çevriləcək. Konvertasiya qiyməti birləşmənin tamamlanmasından əvvəlki yeddi ticarət günü ərzində SpaceX səhmlərinin həcm üzrə ölçülmüş orta bağlanış qiymətinə əsaslanacaq.

Əməliyyat tənzimləyici və hüquqi təsdiqlərdən asılıdır və 2026-cı ilin üçüncü rübündə yekunlaşdırılacağı gözlənilir. Bu addım SpaceX-ə mövcud aerokosmik və texnologiya layihələri ilə yanaşı, Sİ texnologiyaları sahəsində də daha genişlənmək imkanı yaradır.