CENTCOM Hörmüz boğazının gəmilər üçün açıq olduğunu açıqladı

ABŞ Mərkəzi Komandanlığı (CENTCOM) İranın bağladığını elan etdiyi Hörmüz boğazının beynəlxalq su yolundan qanuni keçid etmək istəyən bütün gəmilər üçün açıq olduğunu açıqlayıb. CENTCOM bildirib ki, ABŞ qüvvələri İranın təcavüz, təhdid və təqiblərinə baxmayaraq, naviqasiya azadlığının təmin edilməsi üçün yerləşdirilib və hazır vəziyyətdədir. Həmçinin qeyd olunub ki, İran boğaz üzərində nəzarətə malik deyil və dəniz trafiki davam edir.

ABŞ Prezidenti Donald Tramp NBC telekanalına verdiyi müsahibədə “Hörmüz boğazı açıqdır. Ötən gecə onları (İranı) ağır bombardman etdik. Onlar çox pis və xəstə ruhlu insanlardır” deyə bildirib. Tramp İranla aparılan danışıqlardan sonra Tehranın nüvə proqramından imtina etdiyini, lakin qısa müddət sonra pilotsuz uçuş aparatı ilə gəmiyə hücum təşkil etdiyini bildirib. Tramp bu səbəbdən İrana qarşı sərt ifadələr işlədib.

Tramp həmçinin senator Lindsi Qrehemin ölümü və İranla münasibətlər barədə də açıqlamalar verib. İran mövzusu haqqında danışmaq istəmədiyini bildirsə də, sərt mövqeyini davam etdirib. O, İranın nüvə silahı əldə edəcəyi halda bunun nəticələrinin ağır olacağı barədə xəbərdarlıq edib.