Günəşdə həftəsonu doqquz alışma qeydə alınıb

Ötən həftəsonu Günəşdə doqquz Günəş alışması qeydə alınıb. Əvvəlki iki günlə müqayisədə, həmin dövrdə onların sayı 30-u keçdiyi halda, aktivlikdə nəzərəçarpan azalma müşahidə olunur.

Rusiya Elmlər Akademiyasının Kosmik Tədqiqatlar İnstitutu və Rusiya Elmlər Akademiyasının Sibir bölməsinin Günəş-yer fizikası İnstitutunun Günəş astronomiyası laboratoriyasının mütəxəssisləri bildiriblər ki, alışmaların sayı azalsa da, Günəşdə çoxlu ləkə yaranıb. Bu isə orta güclü (M sinfi) və yüksək güclü (X sinfi) alışmaların başvermə ehtimalını artırır. Dünya agentliklərinin proqnozlarına görə, M sinfi alışmaların ehtimalı təxminən 50%, X sinfi alışmaların ehtimalı isə 10-15% təşkil edir. Lakin alimlər bu proqnozların şübhə doğurduğunu qeyd edirlər.

Yüksək güclü alışmalar maqnit qasırğalarına səbəb ola bilər. Bu isə kosmik havaya və Yer üzündəki texniki sistemlərə təsir göstərir.