Türkiyə və Böyük Britaniya Eurofighter müqaviləsi imzalayıb

Türkiyə ilə Böyük Britaniya arasında Eurofighter Typhoon qırıcı təyyarələrinin alınması üzrə tarixi razılaşma imzalanıb.

Razılaşmaya əsasən Türkiyə Böyük Britaniyadan 20 ədəd yeni Eurofighter Typhoon təyyarəsi alacaq. Əlavə olaraq Qətər və Oman ehtiyatlarından hərəsindən 12 ədəd ikinci əl təyyarənin alınması nəzərdə tutulur. Beləliklə, ümumilikdə 44 təyyarədən ibarət parkın formalaşdırılması planlaşdırılır.

Müqavilənin ilkin dəyəri təxminən 8 milyard funt sterlinq (təxminən 10,7 milyard dollar) qiymətləndirilir. Logistika və texniki dəstək paketləri daxil edildikdə isə ümumi dəyər daha da artır.

Saziş 27 oktyabr 2025-ci ildə Ankarada Prezident Sarayında Türkiyə prezidenti Recep Tayyip Erdoğan və Böyük Britaniyanın baş naziri Keir Starmer tərəfindən imzalanıb.

Razılaşma çərçivəsində BAE Systems ilə texniki xidmət və logistika üzrə müqavilə də imzalanıb. Bu paket təyyarələrin döyüş hazırlığını və istismar qabiliyyətini artırmağa yönəlib.

Eyni zamanda Meteor raketlərinin və yerli istehsal olan sursatların bu platformaya inteqrasiyası planlaşdırılır. İlk təyyarələrin 2030-cu ildən etibarən təhvil verilməsi gözlənilir.

Bu razılaşma Türkiyənin hava qüvvələrinin gücləndirilməsi baxımından mühüm addım hesab olunur və milli KAAN layihəsini tamamlayıcı rol oynayacaq.

Digər tərəfdən müqavilə Böyük Britaniya üçün də əhəmiyyətlidir, çünki bu, 2017-ci ildən sonra Eurofighter Typhoon üçün ilk yeni sifarişlərdən biri hesab olunur.