Mark Zuckerberg İrlandiyada tarixi qala alıb

Meta-nın baş direktoru Mark Zuckerberg İrlandiyanın Waterford bölgəsində yerləşən, 19-cu əsrdə inşa edilmiş tarixi Strancally qalasını satın alıb. Qalanın dəyərinin 20 ilə 30 milyon avro arasında olduğu təxmin edilir.

Zuckerberg və həyat yoldaşı Priscilla Chan tərəfindən alınan qala təxminən 440 dönümlük ərazidə yerləşir və Blackwater çayına baxır. Təxminən 1830-cu ildə inşa edilən Strancally qalası daha əvvəl genişmiqyaslı bərpadan keçib. Meta sözçüsü Zuckerberg və ailəsinin qalanın baxımını davam etdirməkdən və İrlandiyada vaxt keçirməkdən məmnun olduğunu bildirib.

Zuckerberg-in bu alışı İrlandiyadakı tarixi mülklərin varlı xarici investorlar tərəfindən satın alınması ilə bağlı müzakirələri yenidən gündəmə gətirib.