Morgan Stanley I rübdə proqnozları üstələyən nəticələr açıqlayıb

Morgan Stanley birinci rüb üzrə maliyyə nəticələrini açıqlayıb və göstəricilər analitik proqnozlarını üstələyib.

Açıqlanan hesabatda hər səhmə düşən mənfəət 3,43 dollar təşkil edib. Bu göstərici analitiklərin 3 dollar səviyyəsində olan proqnozunu üstələyib. Bankın gəliri isə 20,58 milyard dollar olub və 19,72 milyard dollarlıq gözləntiləri geridə qoyub.

Rüb ərzində investisiya bankçılığı və treydinq gəlirlərinin güclü olması nəticələrin yaxşılaşmasına əsas töhfə verib. Bu tendensiya daha əvvəl JPMorgan Chase və Goldman Sachs tərəfindən açıqlanan hesabatlarda da müşahidə olunub.

Birinci rübdə fond bazarlarında Sİ texnologiyalarının yaratdığı dəyişikliklər və İran müharibəsi ilə bağlı narahatlıqlar səbəbindən yüksək volatillik müşahidə olunub. Bu amillərin şirkətin geniş sərvət idarəetməsi biznesinin komissiya gəlirlərinə təsir göstərmiş ola biləcəyi ehtimal edilir.

Analitiklər yüksək geosiyasi risklər fonunda ilin qalan hissəsi üçün biznes perspektivləri ilə bağlı baş icraçı direktor Ted Pickın açıqlamalarını diqqətlə izləyəcək.