Oracle səhmləri 2001-dən bu yana ən pis rübünü yaşayır

Oracle-ın 2025-ci ilin son rübündə səhmləri 30%-dən çox düşərək 197.49 dollara enib və bu, şirkətin 2001-ci ildən bəri ən pis rüb göstəricisinə doğru gedir. Bu, şirkətin ambisiyalı Sİ inkişaf planı və yeni icracı direktorların bu strategiyanı mənfəətli şəkildə həyata keçirə bilməsi ilə bağlı narahatlıqların artması ilə bağlıdır.

2025-ci ilin sentyabrında Safra Catz-ın istefasından sonra Clay Magouyrk və Mike Sicilia icraçı direktorlar təyin olundu. Yeni rəhbərlik Oracle-ı əsas Sİ və bulud infrastrukturu oyunçusuna çevirmək üçün data mərkəzlərinin inkişafı və bulud imkanlarının genişləndirilməsinə fokuslanıb. Şirkət 2026 maliyyə ili üçün 50 milyard dollarlıq kapital xərcləri planlaşdırıb, bu isə əvvəlki planlardan 43% çoxdur.

Maliyyə nəticələri gözləntiləri qarşılamasa da, Oracle-ın bulud xidmətləri gəliri son rübdə 23% artaraq 6.2 milyard dollar olub. Lakin aparat və xidmət gəlirləri azalıb. Analitiklər proqnozlaşdırır ki, 2030-cu ilə qədər Oracle-ın gross marjası 77%-dən 49%-ə düşəcək və növbəti beş ildə mənfi sərbəst nağd pul axını 34 milyard dollar olacaq, 2029-cu ildə isə müsbətə dönəcək.

İnvestorlar uzunmüddətli strategiyaya hələ də ümidlidirlər, amma yüksək xərclər və mənfəət əldə etməyə uzun müddət lazım olması şirkətin Amazon, Microsoft və Google kimi güclü rəqiblərlə mübarizədə momentumunu qoruyub saxlaya biləcəyinə dair suallar yaradır.

Oracle-ın yeni rəhbərliyi sürətli böyüməni mənfəətliliklə balanslaşdırmaq və şirkəti əsas Sİ infrastruktur təminatçısına çevirmək çağırışı ilə üz-üzədir.