SpaceX 2026-cı ildə 1.5 trilyon dollarlıq dəyərə çatmağı hədəfləyir

SpaceX-in 2026-cı ilin ortalarından sonuna doğru rekord miqyaslı İlkin Səhmlərin Kütləvi Təklifi (IPO) planlaşdırdığı bildirilir. Şirkət 30 milyard dollardan çox vəsait toplamağı və təxminən 1.5 trilyon dollarlıq dəyərə çatmağı hədəfləyir. Bu rəqəmlər reallaşsa, bu təklif 2019-da Səudiyyə Aramconun 29 milyard dollarlıq IPO-sunu geridə qoyaraq tarixdə ən böyük olacaq.

SpaceX-in son özəl səhmlər satışında şirkət 800 milyard dollardan yuxarı dəyərləndirilib və bu, ABŞ-da ən dəyərli özəl şirkət statusunu möhkəmləndirib. İndi isə şirkət səhmlərini ən erkən 2026-cı ildə birjada yerləşdirməyə hazırlaşır. Elon Musk və rəhbərlik təklifin vaxtını və strukturunu müəyyənləşdirmək üçün məsləhətçilərlə yaxın işləyir.

Uğurlu IPO Wall Street-də uzun müddətdir gözlənilən canlanmanı təmin edə və 2.9 trilyon dollarlıq potensial digər IPO-ların yolunu aça bilər. Bu addım SpaceX-in gəlirlərindəki sürətli artımla, xüsusən Starlink peyk internet xidməti və hökumət müqavilələri ilə üst-üstə düşür.

İnvestorlar bu xəbəri diqqətlə izləyir, çünki bu təklif texnologiya və aerokosmik sektor üçün yeni qiymətləndirmə standartı yarada bilər. Bununla belə, bəziləri şirkətin nisbətən qısa tarixçəsini və Elon Muskun qeyri–ənənəvi idarəetmə tərzini nəzərə alaraq ehtiyatlı mövqedədir.