Amazon Twitchə görə kollektiv məhkəmə iddiası ilə üzləşib

Amazon Twitch ilə bağlı kollektiv iddia ilə üzləşib. Twitch yayımçısı Warren Pandiscia tərəfindən Konnektikutda qaldırılan iddiada Twitch-in sahibi olan Amazon-un yayımçıların videolarından icazəsiz istifadə edərək Sİ modellərini öyrətdiyi və kontent yaradıcılarına kompensasiya ödəmədiyi iddia olunur. Şikayətdə bildirilir ki, Amazon kontentdən razılıq və ödəniş olmadan kommersiya məqsədləri üçün istifadə etməklə Twitch-in istifadəçi sazişini pozub.

İddiaçılar zərər çəkmiş yayımçılar üçün kompensasiya tələb edir və Amazon-un onların kontentindən Sİ təlimində istifadəsini dayandırmaq üçün məhkəmə qərarı istəyirlər. Amazon və Twitch iddia ilə bağlı hələlik şərh verməyib.

Bu ilin əvvəlində Twitch istifadəçi kontentinin Amazon-un Sİ layihələrində istifadə oluna biləcəyini açıqlayıb və yayımçılara bundan imtina etmək imkanı təklif edib. Bu qərar kontent yaradıcılarının etirazına səbəb olub. Twitch-in tez-tez verilən suallar bölməsində qeyd olunur ki, istifadəçilərin audio yazıları Twitch yayımları və Amazon videoları üçün avtomatik subtitrlərin yaxşılaşdırılmasına yönəlmiş nitqdən mətnə çevirmə modellərini təkmilləşdirmək məqsədilə istifadə oluna bilər.

2026-cı ildə Twitch yayımçıları 215 milyon saatdan çox kontent yaradıb. Bu, platformanın miqyasını və iddianın mümkün təsirini göstərir.