Kanada ABŞ tarifələrinə qarşı yeni dəstək paketi hazırlayır

Kanada hökuməti ABŞ-nin bəzi Kanada məhsullarına tətbiq etdiyi 50 faizlik gömrük tariflərinə qarşı işçiləri və şirkətləri dəstəkləmək üçün yeni yardım paketi açıqlamağa hazırlaşır. Paket çərçivəsində tariflərdən zərər çəkən işçilər üçün işsizlik müavinətlərinin genişləndirilməsi və şirkətlərə kredit dəstəyi verilməsi planlaşdırılır. Proqramın “Vahid Kanada İqtisadiyyatı Gündəliyi” adlandırılacağı gözlənilir.

Baş nazir Mark Carney ABŞ-nin tətbiq etdiyi tariflərə cavab olaraq polad, süd məhsulları, məişət texnikası, kənd təsərrüfatı avadanlıqları, kağız və elektronika kimi sektorlarda əks-tariflərin tətbiq olunacağını açıqlayıb. Carney ABŞ iqtisadiyyatının Kanada iqtisadiyyatından xeyli böyük olduğunu bildirərək, cavab addımlarının hər sahədə eyni miqyasda olmaya biləcəyini və daha hədəfli tədbirlərin də nəzərdən keçirildiyini deyib. O, Kanadanın cavabında “hər şeyin masada olduğunu” söyləyib.

ABŞ-nin 50 faizlik tarifləri Kanadanın illik təxminən 20 milyar dollarlıq ixracını əhatə edir. ABŞ Prezidenti Donald Trump Kanada cavab tədbirləri görərsə, Kanada mənşəli avtomobillər və avtomobil hissələrinə yönelik tarifləri artıra biləcəyi barədə xəbərdarlıq edib.