Avropa Komissiyası: Ukrayna yeni maliyyə dəstəyi olmadan böhranla üzləşəcək

Avropa Komissiyası öz hesabatında Ukraynanın 2026–2027-ci illərdə xarici maliyyələşdirmə üzrə ümumi ehtiyacını 135,7 milyard avro olaraq qiymətləndirib, amma bu, Rusiya ilə müharibənin 2026-cı ildə başa çatması şərti ilədir. Proqnozlara görə, Ukrayna maliyyə çatışmazlığı ilə üzləşəcək və bu, yeni maliyyə resursları cəlb edilmədən ödənilə bilməz.

Bu istiqamətdə:

• Makroiqtisadi maliyyə ehtiyacları üçün 52,3 milyard avro tələb olunacaq.
• Hərbi ehtiyaclar üçün isə 83,4 milyard avro nəzərdə tutulur.

Buna görə Avropa Komissiyası bu ehtiyacların qarşılanması üçün əlavə maliyyə alətlərinin istifadəsi daxil olmaqla, üzv ölkələri tədbir görməyə çağırır. Mümkün tədbirlər arasında dondurulmuş Rusiya aktivlərinin istifadəsi də nəzərdən keçirilir.