Gərginliklərə baxmayaraq İsrailin ÜDM-i 12,4% artıb

İsrail iqtisadiyyatı üçüncü rübdə güclü artım göstərib. Reuters xəbər verir ki, İsrail iqtisadiyyatı 2025-ci ilin üçüncü rübündə gözləntiləri üstələyən artım göstərib. Bu, ikinci rübdə İrana qarşı gərginlik və Qəzza sektorundakı davam edən müharibə səbəbindən zəif nəticələrdən sonra bərpa kimi qiymətləndirilir.

Ölkənin Mərkəzi Statistika Bürosunun məlumatına görə, iyul-sentyabr aylarında İsrail ÜDM-i əvvəlki rüblə müqayisədə illik ifadədə 12,4% artıb.

İqtisadiyyatın davamlılığı Tel-Əviv fond indekslərində rekord səviyyələrin yenilənməsinə səbəb olub, həmçinin şekel 2025-ci ilin əvvəlindən bəri ABŞ dollarına nisbətən təxminən 11% möhkəmlənərək son 3,5 ilin maksimumuna çatıb.