Mikayıl Cabbarov Powerchina ilə bərpaolunan enerji layihələrini müzakirə edib

AZƏRTAC-a istinadən xəbər verilir ki, Azərbaycanın iqtisadiyyat naziri Mikayıl Cabbarov Çinin Powerchina Resources Ltd şirkətinin icraçı vitse-prezidenti Hi Şiyou ilə görüş keçirib.

Görüş zamanı Azərbaycanın iqtisadiyyatının şaxələndirilməsi, innovasiya və transformasiya istiqamətində atdığı addımların ölkədə investorlar üçün əlverişli biznes mühiti formalaşdırdığı vurğulanıb. Bu çərçivədə, Çin şirkətlərinin innovasiyayönümlü investisiyalarının Azərbaycanda həyata keçirilən layihələr üçün geniş imkanlar yaratdığı qeyd edilib.

Tərəflər SOCAR Green ilə əməkdaşlıq çərçivəsində Hacıqabul rayonunda icra olunan günəş elektrik stansiyası layihəsinin mövcud vəziyyətini və qarşıdakı mərhələləri müzakirə ediblər.

Bununla yanaşı, enerji sektoru, xüsusilə bərpaolunan enerji sahəsində yeni investisiya imkanları ətrafında fikir mübadiləsi aparılıb.

Meta Description: İqtisadiyyat naziri Mikayıl Cabbarov Powerchina rəhbərliyi ilə görüşdə Hacıqabul günəş elektrik stansiyası və bərpaolunan enerji sahəsində yeni investisiya imkanlarını müzakirə edib.