Rusiya 2026 iqtisadi artım proqnozunu azaldıb

Rusiya Prezidenti Vladimir Putin bildirib ki, iqtisadiyyatı stimullaşdırmaq məqsədilə hökumət tərəfindən görülən tədbirlər müsbət nəticələr verməyə başlayıb. Bu açıqlama Moskvanın cari il üzrə iqtisadi artım proqnozunu azaltmağa məcbur qalmasından sonra səsləndirilib.

Putin hökumət üzvləri ilə televiziya vasitəsilə keçirilən iclasda bildirib ki, mart ayı üzrə iqtisadi göstəricilər müsbət olub və ümumi daxili məhsul (ÜDM) 1.8% artıb. Bununla belə, mart ayındakı artıma baxmayaraq, iqtisadiyyat birinci rübdə 0.3% azalıb.

Bu həftə Rusiya İqtisadiyyat Nazirliyi tərəfindən açıqlanan yeni proqnozlara görə, 2026-cı ildə ÜDM artımı ilə bağlı gözlənti 1.3%-dən 0.4%-ə endirilib, 2027-ci il üzrə proqnoz isə 2.8%-dən 1.4%-ə qədər azaldılıb. 2029-cu ildə iqtisadi artımın 2.4%-ə çatacağı gözlənilir.