Yaponiya iqtisadiyyatı 2,1 faiz böyüyüb

Yaponiya Nazirlər Kabineti Ofisinin məlumatlarına görə, ölkədə ümumi daxili məhsul (ÜDM) yanvar-mart dövründə illikləşdirilmiş əsasda 2,1 faiz artıb. Analitiklər bu rübdə 1,7 faiz artım proqnozlaşdırırdı.

İqtisadiyyatda əvvəlki rüblə müqayisədə 0,5 faiz böyümə qeydə alınıb. Birinci rübdə müşahidə olunan artımda iqtisadi istehsalın yarısından çoxunu təşkil edən özəl istehlak xərclərinin güclü dinamikası həlledici olub. Özəl istehlak geyim və çöldə yemək xərclərinin təsiri ilə əvvəlki rüblə müqayisədə 0,3 faiz artıb.

Avtomobil və maşın ixracı artıma 0,3 faiz töhfə verib. Korporativ investisiyalar və kapital xərcləri də bu dövrdə 0,3 faiz artıb.

Yaponiya enerji şokuna qarşı ən həssas ölkələrdən biridir

Digər tərəfdən, birinci rübdəki müsbət mənzərəyə baxmayaraq, iqtisadçılar Yaxın Şərqdə kəskinləşən hərbi münaqişələrin qlobal enerji təchizatı zəncirində yaratdığı fasilələr səbəbindən növbəti rüblərdə artımın yavaşlayacağını gözləyirlər.

Enerji ehtiyacında demək olar tamamilə xaricdən asılı olan və neft idxalının çox böyük hissəsini Yaxın Şərqdən təmin edən Yaponiya bu enerji şokuna qarşı ən həssas ölkələrin başında gəlir.

Artan yanacaq xərcləri ölkədə inflyasiyanı yuxarı yönlü sürətləndirərkən, şirkətlərin mənfəət marjlarını və ev təsərrüfatlarının alıcılıq qabiliyyətini təzyiq altında saxlayır.

Digər tərəfdən, davamlı inflyasiya təzyiqləri və iqtisadi tamponların mövcudluğu səbəbindən Yaponiya Mərkəzi Bankının (BOJ) iyun ayı kimi yaxın müddətdə faiz artımına gedərək pul siyasətində sərtləşmə siqnalları verməyə davam edəcəyi gözlənilir.