Amazon müdafiə layihələrində Claude Sİ-dən imtina edir

Amazon Web Services ABŞ Müdafiə Nazirliyinə aid layihələrdə istifadə olunan sistemlərin Anthropic şirkətinin Claude Sİ modelindən alternativ süni intellekt platformalarına keçirilməsinə kömək edir.

Bu addım ABŞ Müdafiə Nazirliyinin Anthropic-i “təchizat zənciri riski” kimi qiymətləndirməsindən sonra atılıb. Qərara əsasən Pentaqon və onun podratçıları Claude modellərindən istifadə edə bilməz və müdafiə layihələrində bu texnologiyanın tətbiq olunmadığını təsdiqləməlidirlər.

ABŞ Müdafiə Nazirliyi Anthropic-in bəzi həssas tətbiqlər, xüsusilə kütləvi müşahidə və tam avtonom silah sistemləri üçün süni intellekt modelinə qoyulan təhlükəsizlik məhdudiyyətlərini aradan qaldırmaqdan imtina etməsindən sonra bu qərarı verib.

Bununla belə, AWS bildirib ki, Claude modelləri müdafiə sektoru xaricində istifadə olunmağa davam edəcək. Eyni mövqeni digər böyük bulud xidmətləri də təsdiqləyib: Microsoft və Google Claude-un öz platformalarında qeyri-hərbi layihələr üçün əlçatan qalacağını açıqlayıblar.

Qeyd edək ki, AWS 2023-cü ildən bəri Anthropic-ə ümumilikdə təxminən 8 milyard dollar sərmayə yatırıb və şirkətin əsas bulud infrastrukturu tərəfdaşı hesab olunur.