OpenAI Apple-ın məhkəmə iddiasının rəddini istədi

OpenAI ABŞ məhkəməsinə yeni vəsatət təqdim edərək Apple tərəfindən qaldırılan iddianın rədd olunmasını istəyib. İddiada OpenAI və Apple-ın iki keçmiş əməkdaşı istehlakçı cihazları bazarına daxil olmaqda rəqabət üstünlüyü qazanmaq üçün Apple-ın kommersiya sirrlərindən sui-istifadədə ittiham olunur. OpenAI-nin vəkilləri 5 avqust tarixli müraciətdə şirkətin Apple-ın kommersiya sirrlərinə nə ehtiyac duyduğunu, nə onlardan istifadə etdiyini, nə də onlarla hər hansı əlaqəsinin olduğunu bildiriblər. Onlar OpenAI-nin Apple-dan ayrı, tamamilə yeni və fərqli texnologiya hazırladığını vurğulayıblər.

OpenAI-nin hüquq komandası şirkətin diqqətinin ən yaxşı mühəndislərin, ixtiraçıların, tərtibatçıların və yaradıcı mütəxəssislərin işə cəlb olunmasına yönəldiyini qeyd edib. Onların bəziləri OpenAI-nin innovativ və həyəcanverici layihələrinə maraq göstərərək Apple-dan könüllü şəkildə ayrılıblar. Apple-ın iyul ayında qaldırdığı iddiada OpenAI-nin keçmiş əməkdaşlar, işə qəbul prosesləri və təchizatçı əlaqələri vasitəsilə Apple-ın məxfi məlumatlarına sistemli şəkildə çıxış əldə edərək və onlardan istifadə edərək istehlakçı cihazları sahəsində işini sürətləndirdiyi iddia olunur.