Rusiyadan Google-a 16 milyardlıq cəza
Rusiyada məhkəmə əvvəlki pul cərimələrini ödəmədiyi üçün Google-a 16 milyard rubl (təxminən 206 milyon dollar) məbləğində yeni pul cəzası təyin edib. Paytaxt Moskva şəhərində keçirilən məhkəmə prosesində şirkətin əvvəlki cərimələri yerinə yetirmədiyi və beləliklə qanuni öhdəliklərini pozduğu müəyyən edilib.
Məhkəmə qərarında Google-un qadağan olunmuş məzmunları silmədiyi, Rusiyadakı istifadəçilərin şəxsi məlumatlarını lokalizasiya etmədiyi və müxtəlif pozuntular səbəbilə əvvəllər cərimələr aldığı xatırladılıb. Şirkət ən son 25 fevralda Google Play üzərindən VPN xidmətlərinə çıxış təmin etdiyi üçün əlavə olaraq 22 milyon rubl məbləğində cərimə olunmuşdu. Bu yeni qərar Google-un Rusiyadakı fəaliyyətlərinə qarşı tənzimləyici təzyiqi daha da artırır.