ABŞ Ukraynada yeni müvəqqəti işlər vəkili təyin etdi

ABŞ Ukraynada yeni müvəqqəti işlər vəkili təyin edib. Bu, yay ərzində həmin vəzifədə ikinci dəyişiklikdir. Pod Hyuston Kiyevdə Amerika diplomatik missiyasının yeni rəhbəri kimi Ukrayna Prezidenti Volodimir Zelenskiyə təqdim olunub.

Hyuston Kiyevə Nigerdən gəlib. O, orada da oxşar vəzifədə çalışıb. Onun əvvəlki diplomatik təcrübəsinə Almaniya, İordaniya, Haiti, Serbiya üzrə təyinatlar, həmçinin Birləşmiş Millətlər Təşkilatının Cenevrədəki qurumunda xidmət daxildir.

Hyuston 17 iyul tarixində təyin olunmasından sonra bir aydan bir qədər artıq müvəqqəti işlər vəkili vəzifəsində çalışan Sandra Audkirki əvəz edib. Audkirkdən əvvəl bu vəzifəni iyunun sonunadək Culi Devis icra edib. Media məlumatlarında Devisin gedişi hazırkı Ağ Ev administrasiyası komandası ilə fikir ayrılıqları ilə əlaqələndirilib.