Tramp husilərin hücumlarına görə İranı məsul tutacağını açıqlayıb

ABŞ Prezidenti Donald Tramp husilərin Qırmızı dənizdən keçən ticarət gəmilərinə hücumlarından sonra İranın məsul tutulacağını açıqlayıb. Tramp sosial şəbəkədəki paylaşımında “Husilər İranın vəkili və/və ya nümayəndəsi olduğuna görə, ABŞ İranı məsul tutacaq və İrana, eləcə də husilərə qarşı ciddi hərbi sanksiyalar tətbiq ediləcək” ifadələrini işlədib.

Yəmən mərkəzli husilər Qırmızı dənizdə Səudiyyə Ərəbistanına məxsus iki neft tankerini raketlər və pilotsuz uçuş aparatları ilə hədəf aldıqlarını bəyan edib. Bu hücum enerji axınını məhdudlaşdırmaq riski daşıyır və ABŞ ilə İran arasında gərginliyi daha da artırmaq potensialına malikdir.