Çin ABŞ-ın Venesuelaya zərbələrini “hegemon aktlar” adlandırıb

Çin ABŞ-ın Venesuelaya endirdiyi zərbələri və prezident Nikolas Maduronun ələ keçirilməsini kəskin şəkildə pisləyib. Pekin bu addımları “hegemon aktlar” kimi qiymətləndirir və onların beynəlxalq hüququ, eləcə də Venesuelanın suverenliyini açıq şəkildə pozduğunu bildirir. Çin xəbərdarlıq edir ki, bu hərəkətlər regionda sülh və təhlükəsizliyi risk altına alır.

Çinin Xarici İşlər Nazirliyinin sözçüsü bildirib ki, Pekin ABŞ-ın hərbi əməliyyatından və Maduraya qarşı addımlardan “dərin sarsıntı keçirib” və onları suveren dövlətə qarşı açıq güc tətbiqi kimi görür. Açıqlamada vurğulanır ki, belə davranışlar beynəlxalq hüquqa ziddir və Latın Amerikası ilə Karib hövzəsində sabitliyi təhdid edir.

Pekin Vaşinqtonu beynəlxalq hüquqa və Birləşmiş Millətlər Təşkilatınin Nizamnaməsinin məqsəd və prinsiplərinə hörmət etməyə çağırıb. Çin, həmçinin, digər dövlətlərin suverenliyinə və təhlükəsizliyinə zərər verən güc tətbiqindən imtina edilməsini tələb edib.

Gərginlik fonunda Çin vətəndaşlarına yaxın müddətdə Venesuelaya səfər etməmək tövsiyə olunub. Çin Venesuelanın ən böyük kreditorlarından və əsas neft alıcılarından biridir və bu mövqe Pekinin birtərəfli hərbi müdaxilələrə qarşı çıxan daha geniş siyasi xəttinə uyğundur.